នារសៀលថ្ងៃសុក្រ ទី៣ ខែមករា ឆ្នាំ២០២៥ ក្រុមសមាជិកាព្រឹទ្ធសភា លោកជំទាវ ឃួន ឃុនឌី លេខាធិការក្រុម បានអញ្ជើញជួបសំណេះសំណាល និងនាំយកធុងចម្រោះទឹកស្អាត ក្រមា ចែកជូនជូនប្រជាពលរដ្ឋសរុបចំនួន៣០០គ្រួសារ នៅវត្តក្តីតាចិន ភូមិក្តីតាចិន្ត ឃុំទ្រាល ស្រុកតាំងគោក ខេត្តកំពង់ធំ។ អំណោយដែលបានចែកជូននាឱកាសនេះ បានមកពីកិច្ចសហការរវាងក្រុមសមាជិកាព្រឹទ្ធសភា និងសមាគមនារីកម្ពុជាដើម្បីសន្តិភាព និងអភិវឌ្ឍន៍ និងក្រុមហ៊ុន SIPCO រួមមាន៖ ធុងចម្រោះទឹកស្អាតចំនួន៣០០គ្រឿង ក្រមា ចំនួន៣០០ សម្រាប់ចែកជូនប្រជាពលរដ្ឋចំនួន៣០០គ្រួសារ នៅស្រុកតាំងគោក ខេត្តកំពង់ធំ។ ឆ្លៀតក្នុងឱកាសនោះផងដែរ លោកជំទាវ ឃួន ឃុនឌី លេខាធិការក្រុមសមាជិកាព្រឹទ្ធសភា ថ្នាក់ដឹកនាំអាជ្ញាធរស្រុក និងក្រុមការងារស្រុក បានអញ្ជើញនាំយក នូវទេយ្យទាន ទេយ្យវត្ថុមួយចំនួន ប្រគេនដល់ព្រះសង្ឃដែលគង់ នៅវត្តក្តីតាចិន្ត ស្រុកតាំងគោក ខេត្តកំពង់ធំ…។
ប្រភព៖ នាយកដ្ឋានព័ត៌មាន
